म्यानचेस्टर सिटीलाई हराउँदै चेल्सी एफए कपको फाइनलमा

काठमाडौँ : युरोपकै उत्कृष्ट टिम म्यानचेस्टर सिटीलाई हराउँदै चेल्सी एफए कप फुटबलको फाइनलमा पुगेको छ । शनिबार राती भएको पहिलो सेमीफाइनलमा चेल्सीले सिटीलाई १-० गोलले हराउँदै फाइनलमा स्थान बनाएको हो ।

चेल्सीलाई जिताउन हाकिम जियाचले निर्णायक गोल गरे । दोस्रो हाफको ५५ औँ मिनेटमा उनले गरेको आकर्षक गोलले चेल्सी फाइनल पुग्न सफल भयो । दोस्रो सेमीफाइनलमा आइतबार साउथह्याम्पटन र लेस्टर सिटी खेल्नेछन् । चेल्सीले अब उपाधिका लागि मे १५ मा लेस्टर र साउथह्याम्पटनको विजेतासँग खेल्नेछ ।