सुदूरपश्चिममा मुख्यमन्त्री पदमा दाबी गर्न आव्हान

कैलाली । सुदूरपश्चिम प्रदेश प्रमुखको कार्यालयद्वारा बुधबार सूचना टाँस गरि दलहरूलाई मुख्यमन्त्री पदमा दाबी गर्न आह्वान भएको छ । सुदूरपश्चिम प्रदेश सरकार गठनका लागि प्रदेश प्रमुख कार्यालयले आज दलहरूलाई मुख्यमन्त्रीको दावी पेश गर्न आह्वान गरेको हो । 

संविधानको धारा १६८ को उपधारा २  बमोजिम प्रदेश सरकार  गठन गठन गर्न कुनै पनि पार्टीको बहुमत नपुगेकाले एक्लैको सरकार बन्न सक्ने छैन । सरकार  गठन गर्नका लागि दुई वा दुई भन्दा बढी पार्टीको बहुमत भए सरकार बन्ने देखिन्छ । सरकार बनाउन  २७ सांसदको  आवश्यक पर्छ । 

धारा १६८ उपधारा १ बमोजिम स्पष्ट बहुमत नभएपछि धारा १६८ उपधारा २ बमोजिम दुई वा दुईभन्दा बढी दलको मत हुनुपर्ने छ।  सुदूरपश्चिम प्रदेशमा कुनै पनि एक दलले सरकार बनाउन सक्ने अवस्था छैन । प्रदेशसभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत पुर्‍याएर मुख्यमन्त्री नियुक्तिका लागि दाबी पेश गर्न २७ गते साँझ बेलुका ५ बजे सम्म समय निर्धारण गरेको छ ।

सुदूरपश्चिम प्रदेशमा कांग्रेसका १९, माओवादी केन्द्र ११, एमाले १०, नागरिक उन्मुक्ति ७ नेकपा एकीकृत समाजवादीका ४ राप्रपाका र स्वतन्त्र एक/एक सांसद छन् ।