पीएम कपः मधेशमाथि प्रदेश १ को सानदार जित

काठमाडौँ-  पीएम कप महिला टी-ट्वान्टी राष्ट्रिय क्रिकेट प्रतियोगितामा प्रदेश एकले मधेश प्रदेशमाथि सानदार जित हात पारेको छ । सुनसरीको इटहरीस्थित जनता क्रिकेट पार्कमा भएको खेलमा प्रदेश एकले मधेश प्रदेशलाई ९ विकेटले पराजित गरेको हो ।

जितका लागि चाहिएको ५० रनको लक्ष्य प्रदेश एकले ११ ओभर ४ बलमा १ विकेट गुमाएर पुरा गर्‍यो । प्रदेश एकका लागि काजल श्रेष्ठले २४ रन तथा कप्तान रुविना क्षेत्रीले २० रन जोडे ।

यसअघि टस जितेर पहिले ब्याटिङ गरेको मधेशले १९ ओभर २ बलमा सबै विकेट गुमाउँदै केवल ४९ रन जोड्यो । मधेशका लागि सन्तोषी चौधरीले मात्र दोहोरो अंकमा रन बनाएकी थिइन् । उनले २८ बलमा १२ जोडिन् । मधेशका चार ब्याटर शून्य रनमा आउट भए ।

प्रदेश एकका लागि सवनम राईले सर्वाधिक ४ विकेट हात पारिन् । रुविना क्षेत्री र निशा साहले समान २-२ विकेट तथा ज्योती दनुवार र अलिसा खडियाले १-१ विकेट लिए ।