रनको खाता नखोल्दै ओमानविरुद्ध नेपालले गुमायो पहिलो विकेट

काठमाडौँ- राजधानीमा जारी एसीसी प्रिमियर कप क्रिकेट प्रतियोगिताअन्तर्ग नेपालले ओमानविरुद्ध रनको खाता नखोल्दै पहिलो विकेट गुमाएको छ ।

त्रिवि क्रिकेट मैदानमा टस हारेर पहिले ब्याटिङ गरेको नेपालले तेस्रो ओभरको दोस्रो बलमा विकेट गुमाएको हो । ओमानका बिलाल खानले कुशल भुर्तेललाई आउट गरे ।

नेपालका लागि यो ५० औँ एकदिवसीय अन्तर्राष्ट्रिय खेल पनि हो । प्रतियोगिताअन्तर्गत दुबै टोलीले लगातार दोस्रो जितको खोजिमा रहेका छन् ।

नेपालले पहिलो खेलमा मलेसियालाई ६ विकेटको जित हात पारेको थियो । यता ओमानले भने कतारलाई ४० रनले पाखा लगाएको थियो ।