जब चोरी भएका रेलिङका पाइपहरू कवाडीकहाँ भेटिए

कैलाली- माेहनापुल-अत्तरिया ६ लेन सडकको चौराहदेखि भन्सार सडक खण्डमा चोरी भएका रेलिङका पाइपहरू कवाडीले जम्मा गरेर राखेको अवस्थामा फेला परेका छन् ।

धनगढी उपमहानगरपालिकाको ६ लेन सडकबाट चोरी भएका रेलिङहरू खोजतलास गर्ने क्रममा नगर प्रहरीले ती सामानहरू फेला पारेको हाे । 

उपमहानगरको वडा नम्बर ४ सहिद गेट नजिकै रहेको रामजानकी कवाड संकलन केन्द्रमा चोरी भएका २१ ओटा पाइपहरू फेला पारेका हुन् । 

चोरी भएका पाइपहरू फेला परेपछि सोबारे प्रहरीसँग समन्वय भइरहेको मेयरको सचिवालयले जानकारी दिएको छ ।