बोलेरोले ठक्कर दिँदा दुई वर्षीय बालकको ज्यान गयो

सांकेतिक तस्बिर

मकवानपुर- मकवानपुरको हेटौंडा उपमहानगरपालिका-११ नमुना चोक भित्रि सडकमा भएको सवारी दुर्घटनामा २ वर्षीय बालकको ज्यान गएको छ । 

हेटौंडा ११ सिमलटारबाट हेटौंडा बजारतर्फ आउँदै गरेको बागमती प्रदेश–०३–००१ च १५९७ नं. को बोलेरो पिकअप गाडिले सोही स्थानमा बस्ने सुमि डिङ्डुङको २ वर्षीय छोरा समर लोलाई ठक्कर दिएको थियो ।

दुर्घटनामा घाइते भएका समरलाई हेटौंडा अस्पताल ल्याएकोमा चिकित्सकले मृत घोषणा गरेको जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक टेकबहादुर कार्कीले बताए । दुर्घटनापछि गाडि र चालक प्रहरीको नियन्त्रणमा लिएको छ ।