कोभिड नियन्त्रणमा प्रभावकारी काम गर्न नसकेको भन्दै देउवाले ओलीलाई ध्यानकर्षण पत्र बुझाउने

काठमाडौँ  : प्रमुख प्रतिपक्षी दल नेपाली कांग्रेसले कोभिड–१९ नियन्त्रण र रोकथाममा सरकारले प्रभावकारी भूमिका खेल्न नसकेको भन्दै ध्यानकर्षण पत्र बुझाउने भएको छ । पूर्वप्रधानमन्त्रीसमेत रहेका सभापति शेरबहादुर देउवाको नेतृत्वमा कांग्रेसले बिहीबार बिहान नौ बजे प्रधानमन्त्री तथा मन्त्रिपरिद्को कार्यालय सिंहदरबार पुगेर प्रधानमन्त्री केपी शर्मा ओलीलाई ध्यानाकर्षण पत्र बुझाउने कार्यक्रम तय भएको केन्द्रीय कार्यालयका सचिव प्रकाश शर्माले जानकारी दिए ।  

देउवा प्रमुख प्रतिपक्षी दलका नेता पनि हुन् । बुधबार बसेको कांग्रेस संसदीय दल कार्यसमिति बैठकले प्रधानमन्त्रीलाई ध्यानाकर्षण पत्र बुझाउने निर्णय गरेको थियो ।