गैर सांसदको नियुक्ति बदरबारे ज्ञवाली भन्छन्  : अदालतको फैसला कार्यान्वन गर्नु हाम्रो कर्तव्य हो

फाइल तस्बिर

काठमाडौँ  : नेकपा एमालेले गैरसांसद ७ मन्त्रीको नियुक्त्ति बदर गर्ने सर्वाेच्च अदालतको आदेश कार्यान्वयन गर्ने जनाएको छ । नेकपा एमालेको स्थायी कमिटी बैठक बसिरहेको बेला सर्वाेच्च अदालतले संविधान विपरीत सात मन्त्री नियुक्त्ति भएको भएको भन्दै बदर हुने आदेश दिएपछि एमालेले यस्तो बताएको हो ।  

 ‘भरखर सुनियो । पूर्णपाठ हेर्न पाएको छैन । अदालतको निर्णयप्रति हाम्रो तर्क र फरक राय हुनसक्छन्,’ स्थायी कमिटी बैठकपछि सञ्चारकर्मीसँग कुरा गर्दै प्रदीप ज्ञवालीले भने, ‘अदालतको फैसलाको कार्यान्वयन गर्नु हाम्रो कर्तव्य हो । त्यो कार्यान्वयन गर्छाैँ ।’