अब्दुल खानको प्रश्न–विदेशबाट कामदारको शव ल्याउन नसक्ने भए त्यस्ता देशमा राजदूत किन राख्ने ?

काठमाडौँ–जनमत पार्टीका सांसद अब्दुल खानले विदेशमा मृत्यु भएका नेपाली कामदारको शव ल्याउन नसक्ने भए त्यस्ता देशमा राजदूतावास र राजदूत किन राख्ने भनि प्रश्न गरेका छन् ।

बुधबार प्रतिनिधिसभाको आकस्मिक समयमा बोल्दै  सांसद खानले सरकारलाई यस्तो प्रश्न गरेका हुन् । ‘विभिन्न कारण बस् वैदेशिक रोजगारमा जाने नेपाली कामदारको मृत्यु हुन्छ,’ उनले भने, ‘मृत्यु भइसके पछि उहाँहरूको शवसमेत हाम्रो देशको सरकारले ल्याउन सक्दैन । यस्तो अवस्थामा हामीले राजदूतावास र राजदूतहरू किन राख्ने ?’

आफ्ना कामदारको शव विदेशबाट ल्याउन नसक्ने सरकारलाई रेमिट्यान्स् उठाउने पनि अधिकार नरहेको उनले बताए । ‘जुन सरकारले शव ल्याउन सक्दैन विदेशबाट त्यो सरकारलाई  रेमिट्यान्स उठाउने कुनै पनि अधिकार छैन,’ उनले भने । 

उनले जोर्डन, साउदी अरबिया लगायतका देशमा विभिन्न कामदारको शव नल्याएको विषय पनि संसद्‌मा उठाएका छन् ।