बंगलादेशमा ४४५२८१ जनामा कोभिड-१९ संक्रमण

बंगलादेशमा शनिबारसम्म कोभिड-१९ सङ्क्रमितको सङ्ख्या चार लाख ४५ हजार २८१ पुगेको छ । त्यहाँको राष्ट्रिय स्वास्थ्य सेवा महानिर्देशनालयका अनुसार मुश्लिम बहुल यस मुलुकमा कोभिड-१९ बाट छ हजार ३५० भन्दा बढीको मृत्यु भएको छ ।

विगत २४ घण्टामा १२ हजार ६४३ व्यक्तिको शंकाका आधारमा कोभिड-१९ परीक्षण गरिएकोमा एक हजार ८४७ व्यक्तिमा सङ्क्रमण पुष्टि भएको छ । शनिबार कोभिड–१९ सङ्क्रमित थप २८ जनाको मृत्यु भएको छ ।

बंगलादेशमा शनिबार सङ्क्रमणमुक्त भएका एक हजार ९२१ व्यक्तिसहित अहिलेसम्म तीन लाख ६० हजार ३५२ व्यक्ति निको भएका छन् । सरकारी तथ्यांक अनुसार बंगलादेशमा कोभिड-१९ सङ्क्रमितको मृत्यु दर १.४३ प्रतिशत रहेको छ भने अहिलेसम्म ८०.९३ प्रतिशत विरामी निको भइ घर फर्किएका छन् ।

तथ्यांकमा एकै दिन सबैभन्दा बढी चार हजार १९ व्यक्ति जुलाई २ मा सङ्क्रमित भएका थिए भने एकै दिनमा सबैभन्दा बढी मृत्यु जुन ३० मा  भएको थियो ।(रासस)