खाद्यान्‍न पसल पनि बन्द गरेर निषेधाज्ञा लम्‍ब्याउने तयारी

फाइल फोटो

काठमाडौँ : काठमाडौँ उपत्यकामा थप एक साता निषेधाज्ञा गरी कडाइ गरिने भएको छ । तरकारी बजार र सडकमा सञ्चालित सवारी साधनलाई अझ कडाइ गरिने काठमाडौँ जिल्ला प्रशासन कार्यालयका प्रमुख काली प्रसाद पराजुलीले बताए ।

'यसअघि बिहानको समयमा खुल्दै आएको खाद्यान्‍न पसलमा समेत कडा गरिन्छ,' पराजुलीले भने,' औषधि पसललाई सञ्चालन गर्न दिने व्यवस्था गर्न लागेका छौँ । एक साता पूर्ण रुपमा कडाइ गरिन्छ ।' दिउँसो बस्ने तीनै जिल्लाका प्रमुख जिल्ला अधिकारीको बैठकले यसबारे निर्णय गर्नेछ ।