विश्वकप छनोटः नेपालले बहराइनविरुद्ध खेल्दै

काठमाडौँ- मलेसियामा जारी आईसीसी महिला टी-ट्वान्टी विश्वकप एसिया क्षेत्रीय छनोटअन्तर्गत नेपालले आज दोस्रो खेल खेल्दैछ ।

समूह ‘ए’ मा रहेको नेपालले आज बहराइनको सामना गर्न लागेको हो । नेपाल र बहराइनबीचको खेल नेपाली समयअनुसार बिहान ११:१५ बजेबाट सुरु हुनेछ ।

छनोटअन्तर्गत पहिलो खेलमा मलेसियालाई ५ रनले पराजित गरेको नेपाल लगातार दोस्रो जितको खोजिमा हुनेछ ।

यता पहिलो खेलमा कतारलाई ५ विकेटले पराजित गरेको बहराइन पनि लगातार दोस्रो जित हात पार्न चाहन्छ ।