एसिया कपः भारत र बंगलादेश भिड्दै

काठमाडौँ- एसीसी एसिया कप क्रिकेट प्रतियोगिताअन्तर्गतको सुपर फोरको अन्तिम खेल आज हुँदैछ ।

सुपर फोरको अन्तिम खेलमा भारत र बंगलादेश भिड्दैछन् । भारत र बंगलादेशबीचको खेल श्रीलंकाको कोलम्बोमा नेपाली समयअनुसार दिउँसो ३:१५ बजेबाट सुरु हुनेछ ।

सुपर फोरअन्तर्गत पाकिस्तान र श्रीलंकालाई पराजित गर्दै फाइनलमा पुगिसकेको भारतका लागि बंगलादेशविरुद्धको खेल केवल क्षमता परिक्षणका लागि मात्र हुने देखिन्छ ।

यता सुपर फोरका अघिल्ला दुवै खेलमा पराजय भोगिसकेको बंगलादेश भने प्रतियोगितामा सुखद अन्त्य गर्न चाहन्छ ।

प्रतियोगिताको फाइनलमा भने आइतबार भारत र श्रीलंका भिड्ने निश्चित भइसकेको छ ।