कार्कीलाई सत्ता गठबन्धनकै साथ, देउवा र शेखरले गरे बालुवाटार पुगेर सहमतिमा हस्ताक्षर

काठमाडौं- कोशी प्रदेशमा मुख्यमन्त्री नियुक्त भएका केदार कार्कीलाई सत्ता गठबन्धनले साथ दिएको छ । शनिबार बिहान कार्की मुख्यमन्त्री नियुक्त भएपछि प्रधानमन्त्री निवास बालुवाटारमा शीर्ष तीन नेताहरूबीच सहमति जुटेको छ ।

प्रधानमन्त्री एवम् नेकपा (माओवादी केन्द्र) का अध्यक्ष पुस्पकमल दाहाल ‘प्रचण्ड’, नेपाली कांग्रेसका सभापति शेरवहादुर देउवा र वरिष्ठ नेता शेखर कोइरालाबीच  कोशी प्रदेशमा सरकार गठनका सम्बन्धमा देखिएको समस्या र केन्द्रमा सत्ता गठबन्धनलाई थप सुदृढ बनाउने सम्बन्धमा छलफल भएको हो ।

छलफलमा कोशी प्रदेशमा सत्ता गठबन्धनकै सरकार सञ्चालन गर्न सहमत हुनुका साथै नेपाली कांग्रेस, माओवादी केन्द्रसहितका दलहरुको वर्तमान संयुक्त गठबन्धनप्रति थप दृढ र स्पष्ट रहेको प्रस्ट पार्दै यो गठबन्धनलाई कुनै पनि हालतमा कमजोर हुन नदिने लिखित प्रतिवद्धता व्यक्त गरिएको छ ।