क्रिकेटर देव खनालको दुर्लभ कीर्तिमान

काठमाडौँ- नेपाली यू-१९ राष्ट्रिय क्रिकेट टिमका कप्तान देव खनालले दुर्लभ कीर्तिमान कायम गरेका छन् ।

मलेसियामा जारी एसीसी यू-१९ प्रिमियर कप क्रिकेट प्रतियोगिताको फाइनलमा युनाइटेड अरब इमरेट्स (यूएई) विरुद्ध शतक प्रहार गर्दै देवले कीर्तिमान कायम गरेका हुन् ।

उनी नेपालका लागि यू-१९ क्रिकेटमा तीन शतक प्रहार गर्ने पहिलो खेलाडी बनेका छन् । उनले यूएईविरुद्ध ९२ बलको सामना गर्दा ९ चौका र ३ छक्काको मदतमा १ सय रन जोडे ।

यसअघि देवले इरान तथा कुवेतविरुद्ध शतक पूरा गरेका थिए ।

यू-१९ मा नेपालका लागि अर्जून कुमालले दुई शतक प्रहार गरेका छन् ।