न्यूक्यासलमाथि नोट्टीङघमको सानदार जित

काठमाडौँ - ईङलिश प्रिमियर लिग अन्तर्गत नोट्टीङघम फोरेस्टले न्यूक्यासल युनाइटेडमाथि सानदार जित हासिल गरेको छ ।

मंगलबार राति सम्पन्न खेलमा नोट्टीङघमले न्यूक्यासललाई ३-१ गोल अन्तरले पराजित गरेको हो ।

नोट्टीङघमको जितमा क्रिस वूडले ह्याट्रिक गरेका थिए । उनले खेलको ४५औं, ५३ र ६०औं मिनेटमा गोल गर्दै ह्याट्रिक पुरा गरेका थिए । त्यसैगरी न्यूक्यासलका लागि एक गोल एलेक्जेन्डर इसाकले खेलको २३औं मिनेटमा फर्काएका थिए ।

नोट्टीङघमको यो यस सिजनमा चौथो जित हो । यो जितपछि १९ खेलमा नोट्टीङघमको १७ अंक भएको छ र लिगमा १६औं स्थानमा उक्लिएको छ ।

त्यसैगरी न्यूक्यासलको भने यस सिजनमा यो आठौँ हार हो । यो हारपछि न्यूक्यासलको १९ खेलमा २९ अंक रहेको छ र लिगमा सातौँ स्थानमा रहेको छ ।