प्रिमियर लिगः गालाघरले दुई गोल गर्दा चेल्सीको जित

काठमाडौँ- इंग्लिस प्रिमियर लिगअन्तर्गत चेल्सीले क्रिस्टल प्यालेसमाथि जित हात पारेको छ । 

सोमबार राति सम्पन्न खेलमा चेल्सीले क्रिस्टल प्यालेसलाई ३-१ गोलअन्तरले पराजित गरेको हो ।

एक गोलको पछि परेको अवस्थामा चेल्सीले तीन गोल गर्न सफल भएको थियो ।

जेफर्सन लेर्माले ३० औँ मिनेटमा गोल गर्दै क्रिस्टल प्यालेसलाई अग्रता दिलाएका थिए । तर चेल्सीका कोनोर गालाघरले ४७ औँ मिनेटमा बराबरी गोल गरे ।

दोस्रो हाफको इन्जुरी समयमा गालाघरले थप एक तथा इन्जो फर्नान्डेजले एक गोल गरे ।

जितसँगै २४ खेलबाट ३४ अंक जोडेको चेल्सी तालिकाको १० औँ स्थानमा उक्लिएको छ । यता २४ अंक जोडेको क्रिस्टल प्यालेस भने १५ औँ स्थानमा यथावत् छ ।