विश्वकपको अन्तिम 'वार्मअप' खेलमा भारतले बंगलादेशविरुद्ध खेल्दै

काठमाडौँ- आईसीसी पुरुष टी-ट्वान्टी क्रिकेट विश्वकपअन्तर्गतको अन्तिम 'वार्मअप' खेलमा आज राति भारतले बंगलादेशको सामना गर्दैछ ।

भारत र बंगलादेशबीचको अभ्यास खेल न्यूयोर्कमा नेपाली समयअनुसार आज राति ८:१५ बजेबाट सुरु हुने तालिका रहेको छ ।

विश्वकपअघि भारतले एकमात्र अभ्यास खेल खेल्न लागेको हो भने यसअघि बंगलादेश र अमेरिकाबीचको अभ्यास खेल भने खराब  मौसमका कारण हुन सकेन ।

भारत र बंगलादेशबीचको अभ्यास खेलपछि औपचारिक रुपमा आइतबारबाट विश्वकप सुरुवात हुने तालिका रहेको छ ।