भारतमा आम्दानीसँगै बढ्यो घरायसी उपभोग खर्च

काठमाडौँ- भारतको ग्रामीण र शहरी क्षेत्रहरूमा वस्तु र सेवाहरूमा घरेलु खपत खर्चमा व्यापक वृद्धि भएको छ ।

विगत एक दशकमा भारतको घरेलु खपत खर्चमा व्यापक वृद्धि भएको मिनिस्ट्री अफ स्टाटिस्टिक्सले जनाएको आईएएनएसले उल्लेख गरेको छ ।

मन्त्रालयले गरेको सर्वेक्षणअनुसार सन् २०११-१२ को तुलनामा सन् २०२२-२३ मा ग्रामीण भारतमा मासिक प्रतिव्यक्ति घरपरिवार खपत ४० प्रतिशत बढेको छ । मुद्रास्फीतिको समायोजन पछि खपत ४० प्रतिशतले बढेको हो ।

निरपेक्ष रूपमा भारतको ग्रामीण क्षेत्रमा मासिक प्रतिव्यक्ति उपभोग खर्च २०११-१२ मा १ हजार ४ सय ३० भारतीय रुपैयाँ रहेकोमा सन् २०२२-२३ मा २ हजार ८ रुपैयाँ पुगेको छ ।

त्यसैगरी, सहरी क्षेत्रमा पनि मुद्रास्फीति समायोजनपछि २०११-१२ मा २ हजार ३ सय ६० रहेकोमा सन् २०२२-२३ मा प्रतिव्यक्ति घरेलु खपत खर्च ३ हजार ५ सय १० रुपैयाँ पुगेको सर्वेक्षणले देखाएको हो ।