एमबीबीएस र जनस्वास्थ्यको प्रवेश परीक्षाको नतिजामा गम्भीर त्रुटि

काठमाडौँ - संसदीय समितिले चिकित्सा शिक्षा आयोगले सार्वजनिक गरेको एमबीबीएस र जनस्वास्थ्यको प्रवेश परीक्षाको नतिजामा देखिएको त्रुटि सच्याउन निर्देशन दिएको छ ।

बुधबार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकले प्रवेश परीक्षाको नतिजामा आयोगले गम्भीर त्रुटि गरेको भन्दै त्रुटि सच्याउन सरकारलाई निर्देशन दिएको हो ।

परीक्षाको नतिजामा एउटा विद्यार्थीको प्राप्ताङ्क अर्कै विद्यार्थीको नाममा आउनेजस्तो गम्भीर त्रुटि आयोगले गरेको पाइएको छ । 

समितिले यसबारे तत्काल छानबिन समिति गठन गरी १० दिनभित्र प्रतिवेदन पेस गर्न भनेको छ ।