अमेरिकामा कार हिउँमा चिप्लिएर दुर्घटना, दुई जना नेपालीको मृत्यु

काठमाडौँ- अमेरिकाको भर्जिनियामा कार दुर्घटना हुँदा दुई जना नेपालीको मृत्यु भएको छ । बिहीबार बिहान स्थानीय समय अनुसार करिब ७ बजे भर्जिनियाको स्यान्टिल्ली भन्ने ठाउँमा रहेको विन्डम होटल परिसरको पोखरीमा कार खस्दा कारमा सवार दुई जना नेपालीको मृत्यु भएको हो ।

मृत्यु हुनेमा चालक ५५ वर्षका कर्ण खड्का र उनका नातेदार २० वर्षका निश्चल भट्ट रहेका छन् ।

कार पार्किङ क्षेत्रबाट हिउँमा चिप्लिएर करिब १० फिट गहिरो पोखरीमा खसेको थियो ।