ओलम्पिक खेलमा ट्रान्सजेन्डर खेलाडी माथि प्रतिबन्धको सम्भावना

काठमाडौं - टोकियो ओलम्पिकमा प्रतिस्पर्धा गर्ने पहिलो खुला ट्रान्सजेन्डर खेलाडीको रूपमा चिनिएकी न्यूजिल्याण्डकी लरेन हबर्डले ओलम्पिक खेलकुदमा नयाँ अध्याय सुरु गरिन्।

तर, अब ट्रान्सजेन्डर महिलाहरूका लागि महिला वर्गमा प्रतिबन्ध लगाउन सकिने सम्भावना बढ्दै गएको छ।

अन्तर्राष्ट्रिय ओलम्पिक समिति (IOC) को आगामी नेतृत्वका लागि चर्चित उम्मेदवारहरू मध्येका दुई व्यक्तिले महिला वर्गलाई सुरक्षित राख्न समान नीति ल्याउने कुरा उठाएका छन्।

विश्व एथलेटिक्सका अध्यक्ष र आईओसीका सम्भावित अध्यक्ष लर्ड सेबास्टियन कोले यस विषयमा पहिले नै आफ्नो अडान प्रष्ट पारेका थिए।

उनले भने, "महिला खेलकुदको संरक्षण प्राथमिकता हो। ट्रान्सजेन्डर महिलाहरूले महिला वर्गमा प्रतिस्पर्धा गर्दा अवसरमा असमानता आउने कुरा अध्ययनहरूले देखाएका छन्।"

आइओसी कार्यकारी बोर्डकी सदस्य र पूर्व ओलम्पिक च्याम्पियन किर्स्टी कोभेन्ट्रीले पनि यस्तै नीति ल्याउने आफ्नो समर्थन व्यक्त गरेकी छन्। उनले भनिन्, "महिला खेललाई सुरक्षित राख्नु पर्छ।

वैज्ञानिक अनुसन्धानले देखाएको छ कि ट्रान्सजेन्डर महिलाहरूले महिला वर्गमा प्रतिस्पर्धा गर्दा असमानता हुन्छ।"पेरिस ओलम्पिक २०२४ मा बक्सिङमा सुन जितेकी अल्जेरियाकी इमान खेलिफ र ताइवानकी लिन यु-टिङले यस विषयलाई झन् चर्चामा ल्याएका थिए।

यी खेलाडीहरूले पहिले महिला वर्गका लागि अयोग्य ठहरिए पनि पछि पुन: प्रतिस्पर्धा गर्ने अनुमति पाएका थिए।