अमेरिकालाई शून्य योगफलको मानसिकता त्याग्न चीनको आग्रह

फाइल फाेटाे

बेइजिङ - चीनले संयुक्त राज्य अमेरिकालाई उसका ‘गलत कदमहरू’ सच्याउन आग्रह गरेको छ ।

“आफ्नो शून्य–योग मानसिकता त्याग्न, आफ्ना गलत कामहरू सच्याउन, बहुपक्षीय व्यापार प्रणालीको सही मार्गमा फर्कन र अन्य देशहरूसँग समान स्तरमा परामर्शको माध्यमबाट सम्बन्धित चिन्ताहरू सम्बोधन गर्न काम गर्न चीनले अमेरिकासँग आग्रह गर्दछ,” चिनियाँ वाणिज्य मन्त्रालयका एक प्रवक्ताले बिहीबार भने ।  

स्टिल र आलुमनियमको आयातमा अमेरिकी कर वृद्धिबारे सोधिएको प्रश्नको जवाफ दिँदै प्रवक्ता हे योङकियानले नियमित पत्रकार सम्मेलनमा उक्त भनाइ राखेका थिए । 

उनले भने, “अमेरिकी कदम एकपक्षीयता र व्यापार संरक्षणवादको एक विशिष्ट अभिव्यक्ति हो । धेरै देशहरूले स्पष्ट रूपमा आफ्नो विरोध व्यक्त गरेका छन्, र संयुक्त राज्य अमेरिकाभित्र पनि कडा विरोधहरू छन्।”

वास्तवमा, विश्व व्यापार सङ्गठन (डब्ल्युटिओ) को एक समितिले सन् २०२२ को सुरुमा नै अमेरिकी करवृद्धिले डब्ल्युटिओ नियमको धारा २३२ उल्लङ्घन गरेको फैसला सुनाएको थियो। 

प्रवक्ताले भने, अनुसार,“संयुक्त राज्य अमेरिकाले स्टील र आलुमनियममा आफ्नो विद्यमान कर वृद्धिमा धारा २३२ मात्र कायम राखेको छैन तर आलुमनियम उत्पादनहरूमा थप करहरू बढाएको छ र अन्य देशहरूको अधिकार र हितलाई गम्भीर रूपमा हानि पुर्याएको छ । यसले नियममा आधारित बहुपक्षीय व्यापार प्रणालीलाई गम्भीर रूपमा कमजोर पारेको छ र विश्वव्यापी आपूर्ति श्रृङ्खलामा प्रभाव पारेको छ ।”