सुदूरपश्चिम प्रदेशमा ४ वटै समितिका सभापति निर्विरोध निर्वाचित

फाइल फाेटाे

कैलाली - सुदूरपश्चिम प्रदेश सभाका ४ समितिका सभापति निर्विरोध निर्वाचित भएका छन्।

जसअनुसार विशेषाधिकार समितिको सभापतिमा नेपाली कांग्रेसकी तुलसी देवकोटा, सामाजिक विकास समितिको सभापतिमा एमालेका धर्मराज पाठक, अर्थ विकास तथा प्राकृतिक स्रोत समिति सभापतिमा नागरिक उन्मुक्ति पार्टीका घनश्याम चौधरी, सार्वजनिक लेखा समितिमा नेकपा माओवादी केन्द्रका अक्कल बहादुर रावल निर्विरोध निर्वाचित भएको संसद सचिवालयले जनाएको छ ।

प्रदेश सभाका ४ वटा समितिको सभापतिमा सत्तारूढ कांग्रेस,  एमाले, नाउपा तथा प्रमुख प्रतिपक्षी दलले शनिबार भागबन्डाका आधारमा मनोनयन दर्ता गरेका थिए। जसअनुसार प्रत्येक समितिमा १ जनाको मात्र उम्मेदवारी परेको थियो ।

जसअनुसार आइतबार चारै सभापतिलाई निर्वाचित घोषणा गरिएको र उनीहरूले आजै सपथ ग्रहणसमेत गरिसकेको प्रदेश सभा सचिवालयका सचिव देवबहादुर बोगटीले जानकारी दिए ।