एटलान्टाको पोस्टमा इन्टर मिलानको दुई गोल

काठमाडौँ- इटालियन सिरी ए अन्तर्गत इन्टर मिलानले एटलान्टामाथि महत्वपूर्ण जित हासिल गरेको छ ।

गएराती सम्पन्न खेलमा इन्टर मिलानले एटलान्टालाई २-० गोल अन्तरले पराजित गरेको हो ।

इन्टर मिलानको जितमा कार्लोस अगस्तो र लाउतारो मार्टिनेजले एक एक गोल गरेका थिए ।

यस खेलमा ९० मिनेटपछिको इन्जुरी समयमा इन्टर मिलानका अलेसजान्द्रो बासटोनीले रातो कार्ड पाएका थिए ।

यो जितपछि इन्टर मिलानको २९ खेलमा ६४ अंक भएको छ र लिगमा शीर्ष स्थानमा रहेको छ । दोस्रो स्थानमा रहेको नापोलीको ६१ अंक छ भने एटलान्टाको २९ खेलमा ५९ अंक रहेको छ ।