हरेक आइपीएल खेल्ने यी ८ खेलाडी

काठमाडौँ- आइपीएलमा सक्रिय क्रिकेटरहरूमध्ये सबैभन्दा सिनियर खेलाडीको श्रेय विराट कोहलीलाई छ । विराट कोहली एक मात्र खेलाडी हुन्, जसले आइपीएलको पहिलो उद्घाटन खेल खेलेका थिए र अहिले पनि सक्रिय छन् ।

विराट कोहली त्यतिबेला रोयल च्यालेन्जर्स बैंगलोरको मैदानमा प्रवेश गरेका थिए र आज पनि उनी त्यही टोलीसँग छन् । आइपीएलमा उनीभन्दा अगाडि न त कुनै खेलाडी छन्, न त एउटै टोलीबाट यति लामो समय खेलेको कोही नै छन् । कोहलीको योगदान भनेको आइपीएलमा सर्वाधिक रन बनाउने कीर्तिमान पनि हो ।

एमएस धोनीलाई आइपीएलको दोस्रो सबैभन्दा सिनियर खेलाडी भन्न सकिन्छ । उनले यस लिगमा आफ्नो पहिलो खेल १९ अप्रिल २००८ मा किङ्स इलेभेन पञ्जाबबाट खेलेका थिए । यदि प्रतिबन्धको दुई वर्षलाई हटाइयो भने धोनी त्यसबेलादेखि अहिलेसम्म चेन्नइ सुपर किंग्ससँग थिए । स्पट फिक्सिङ मामिलामा सीएसकेलाई २ वर्षको प्रतिबन्ध लाग्दा धोनीले पुणे सुपर जायन्ट्सबाट खेलेका थिए ।

रविन्द्र जडेजा आइपीएलमा कोहली र विराटपछि सबैभन्दा सिनियर खेलाडी हुन् । उनले आफ्नो पहिलो खेल २० अप्रिल २००८ मा खेलेका थिए । आइपीएलमा राजस्थान रोयल्सबाट करियर सुरु गरेका रविन्द्र जडेजाले कोची टस्कर्स र गुजरात लायन्सबाट पनि खेलेका थिए । अहिले उनी चेन्नई सुपर किंग्सको हिस्सा रहेका छन् ।

भारतीय कप्तान रोहित शर्मा पनि सन् २००८ देखि आइपीएल खेल्दै आएका छन् । रोहित शर्माले डेक्कन चार्जर्सबाट आइपीएलमा आफ्नो करियर सुरु गरेका थिए । उनले यो टोलीसँग उपाधि पनि जितेका छन् । यसपछि रोहित मुम्बई टिममा सामेल भए । उनले कप्तानको रूपमा ५ पटक मुम्बई इन्डियन्स ट्रफी जितेका छन् । अहिले उनी टिमको सिनियर खेलाडीका रुपमा खेलिरहेका छन् । टोलीको कमाण्ड भने हार्दिक पाण्ड्याको हातमा छ ।

शिखर धवन आइपीएलको पहिलो सिजनदेखि नै खेल्दै आएका छन् । उनले आफ्नो आइपीएल करियर दिल्लीको टोलीबाट सुरु गरेका थिए । त्यसपछि उनले मुम्बई इन्डियन्स, डेक्कन चार्जर्स र सनरायर्स हैदरावादबाट खेले । सन्‌ २०१९ मा उनी दिल्ली टोलीमा फर्किए र अहिले पंजाब किंग्ससँग रहेका छन् ।

अजिंक्य रहाणे, मनिष पाण्डे र इशान्त शर्मा पनि सन् २००८ देखि आइपीएल खेल्दै आएका छन् र २०२५ मा पनि मैदानमा देखिने छन् । अजिंक्य रहाणे कोलकाता नाइट राइडर्सको कप्तानीमा देखिने छन् । यसपटक इशान्त शर्मा शुभमन गिलको कप्तानीमा गुजरात टाइटन्समा खेल्दैछन् ।

ऋद्धिमान साहा र पियुष चावलाको आइपीएल यात्रा सन्‌ २००८ देखि सन्‌ २०२४ सम्म चलेको थियो । पियुष चावलाले २०२४ मा पनि आइपीएल खेल्न चाहन्थे तर उनले लिलामीमा कुनै खरिददार भेटेनन् । ऋद्धिमान साहाले सन्‌ २०२४ मा क्रिकेटका सबै फर्म्याटबाट सन्यास लिइसकेका छन्, जसका कारण उनी लिग खेल्ने देखिने छैनन् ।