तीन संसदीय समितिको बैठक बस्दै

काठमाडौँ- संघीय संसदका तीन वटा समितिको बैठक बस्दैछ ।

संघीय संसद सचिवालय, सिंहदरबारमा उक्त बैठक बस्नेछन् ।

संसद सचिवालयका अनुसार अर्थ समितिको बैठक बिहान ११:३० बजे बोलाइएको छ । जुन बैठकमा भन्सार सम्बन्धी कानूनलाई संशोधन र एकीकरण गर्न बनेको विधेयकको मस्यौँदा प्रतिवेदन उपर छलफल हुने छ ।

शिक्षा, स्वास्थ्य तथा सूचना प्रविधि समितिको बैठकमा पुरानै अजेन्डा शहीद दशरथ चन्द स्वास्थ्य विज्ञान विश्वविद्यालय विधेयक, २०८० माथि दफावार छलफल गरिनेछ । जुन बैठक बिहान ११:३० बजेबाट सुरू हुनेछ ।

साथै सार्वजनिक लेखा समितिको बैठकमा भने हुलाकी, वि.पी र अरनिको राजमार्ग लगायतका राष्ट्रिय राजमार्गहरुको वर्तमान अवस्थाबारे छलफल हुने संसद सचिवालयले जनाएको छ । जुन बैठक दिउँसो ३:०० बजेबाट सुरू हुनेछ ।