मंगलबार करिब दुई लाखले लगाए कोभिडविरुद्धको खोप

काठमाडौँ- मंगलबार कोभिड-१९ विरुद्धको खोप एक लाख ९८ हजार ४५९ जनाले लगाएका छन् । स्वास्थ्य तथा जनसंख्या मन्त्रालयका अनुसार कोभिड खोपको पहिलो मात्रा ४२ लाख ५४ हजार ५४० र खोपको दुवै मात्रा २० लाख २ हजार ७०३ जनाले खोप लगाए ।

मन्त्रालयले  सार्वजनिक गरेको खोप लगाएकाको तथ्यांकमा २४ घण्टाको अवधिमा देशभर जोनसन एण्ड जोनसन खोप एक लाख ४ हजार ६७८ जनाले लगाएका छन् । त्यसैगरी भेरोसेल खोप पहिलो मात्रा ९१ हजार २८९  र दोस्रो मात्रा दुई हजार ४९२ जनाले खोप लगाएका छन् ।