तापसीको फ्यान दीपिका

मुम्बई : साना फिल्मबाट ठूलो सफलता हात पार्ने अभिनेत्रीमा पर्छिन् तापसी पन्नु । ‘पिंक’, ‘थप्पड’, ‘साँढ कि आँख’ जस्ता फिल्मबाट अब्बल अभिनेत्रीको दौडमा सामेल भएकी तापसीले यिनै फिल्मका बदौलत थुप्रै फ्यान कमाएकी छिन् । भर्खरै यो लिस्टमा नयाँ अनुहार थपिएको छ, दीपिका पादुकोनको ।
तर, दीपिका तापसी अभिनित कुनै फिल्म नभई उनले नाचेको भिडियो हेरेर उनको फ्यान भएकी छिन् । तापसी भर्खरै परिवार र ब्वाइफ्रेन्डसँग माल्दिभ्स छुट्टी मनाउन गएकी थिइन् । यहाँ उनले ‘बिगिनी’ गीतमा नाचेको एउटा भिडियो सेयर गरेकी थिइन् । यो भिडियो देखेर दीपिका दंग परेकी हुन् । उनले तापसीको यो भिडियोलाई ‘भिडियो अफ दि इयर’को रुपमा लिएको प्रतिक्रिया दिएकी थिइन् ।
दीपिकाबाहेक यो भिडियोलाई अनुष्का शर्मा, प्रियंका चोपडा आदिले पनि मन परेको प्रतिक्रिया दिएका थिए । तापसी हालसाल ‘रश्मि रकेट’ फिल्मको सुटिङ गरिरहेकी छन् । केही समयअघि यसका लागि उनले गरेको तयारीको फुटेजले राम्रो तारिफ पाएको थियो । योबाहेक तापसी ‘हसिन दिलरुबा’मा पनि काम गरिरहेकी छिन् ।

लेखक वज्राचार्यद्वारा लेखिएको पुस्तक ‘स्तूप र चैत्य’ परिमार्जनसहित पुनः प्रकाशित

'कान्ताराः च्याप्टर १' अब अक्टोबर २ मा, देखिने छन् तीन हजार कलाकार

बिक्की कौशलको ‘छावा’ को विश्वव्यापी कलेक्सन ८०० करोड बढी

ऋतिकको कृष-४ : दुई हिरोइनको इन्ट्री

चौथो हप्तामा झन् बलियो ‘अञ्जिला’, हिन्दी चलचित्रलाई पर्यो सकस

नेपाल र बेलायतमा नाटक 'भीमसेन थापा' मञ्चन हुने

महिला निर्देशकको द्वन्द्व प्रधान चलचित्र ‘पीताम्बर’

प्रतिक्रिया