अस्ट्रेलियन ओपन फ्रेबुअरी आठबाट

काठमाडौं : एटिपीले अस्ट्रेलियन ओपनको नयाँ मिति सार्वजानिक गरेको छ । एटिपीले बिहीबार सन् २०२१ का लागि अन्तराष्ट्रिय टेनिसको नयाँ सिजनको तालिका सार्वजानिक गर्ने क्रममा अस्ट्रेलियन ओपन फेब्रुअरी आठदेखि सुरु हुने बताएको हो । 

जनवरी १८ बाट सुरु हुनुपर्ने ग्रान्डस्लाम कोभिड–१९ (कोरोना भाइरस) महामारीका कारण सारिएको हो । अस्टे«लियाको टेनिस संघ र स्थानिय प्रशासनबीच कोरोना महामारीबीच कसरी प्रतियोगिता सञ्चालन गर्ने भन्ने बारेमा छलफल भएपछि अंगे्रजी वर्षको पहिलो ग्रान्डस्लामको मिति तय भएको हो । 

कोरोनाका कारण टेनिसको अन्तराष्ट्रिय प्रतियोगिताहरू सञ्चालनमा असहजताको सामना गरिँदै आइएको छ । कोरोनाका कारण विम्बल्डन रद्द गरिएको थियो भने युएस ओपन र फ्रेन्च ओपन खेलाडीहरुलाई खेल र अभ्यासका लागि बाहेक होटल भन्दा बाहिर जान अनुमति नदिई सञ्चालन गरिएको थियो । 

त्यसकारण पनि अस्ट्रेलियन ओपन कहिले र कसरी सञ्चालन गर्ने भन्ने बहस चल्दै आएको थियो । एटिपीका अनुसार अस्टे«लियन ओपनका छनौट खेलहरू कतारी राजधानी दोहामा जनवरी १० देखि १३ सम्म आयोजना गरिने र त्यसपछि छनौट भएका खेलाडीहरुलाई अस्ट्रेलियन शहर मेलबर्नमा लगिने छ । खेलाडीहरुलाई मेलबर्नमा दुई साताका लागि क्वारिन्टिनमा राखिनेछ । रोयटर्सबाट