घरेलु लिगमा फर्कियाे फुटबलको रौनक

काठमाडौँ - नेपालमा फेरि फुटबलको रौनक सुरु भएको छ । कोभिड १९ महामारीले थलिएको फुटबल नेपालमा लामो समयपछि फर्किएको हो । फुटबलका केही खेल भएपनि घरेलु लिग भने खासै सुरु हुन सकेका थिएनन् ।

शुक्रबारदेखि सुरु भएको सहिद स्मारक ‘ए’ डिभिजन लिगको पहिलो खेलमा फ्रेन्ड्स क्लब र सातदोबाटो युथ क्लबले गोलरहित बराबरी खेले । दशरथ रंगशालामा भएको खेलमा सातदोबाटो तुलनात्मक रुपमा बलियो देखिए पनि गोल गर्न भने सकेन । 

बराबरीसँगै दुवै टिमले एक–एक अंक बाँडेका छन् । लिगमा शनिबार दुई खेल हुनेछन् । दिनको पहिलो खेलमा हिमालयन शेर्पा क्लबले संकटा क्लबको सामना गर्नेछ । दोस्रो खेलमा भने थ्री स्टार क्लब र च्यासल युथ क्लबबीच प्रतिस्पर्धा हुनेछ । 

गोल हुन नसकेपनि फुटबलमा रमाएका खेलाडी भने खुशी देखिएका थिए ।