कामना सेवा विकास बैंकको दुई शाखा उद्घाटन

काठमाडौँ- कामना सेवा विकास बैंक लिमिटेडको आफ्नो नयाँ दुई शाखा उद्घाटन गरेको छ । नवलपरासीको सुस्ता पूर्व जिल्ला देवचुली नगरपालिका - १५ प्रगतीनगर तथा नवलपरासी, सुस्ता पूर्व जिल्ला कावासोती नगरपालिका-१६, डण्डामा एकै दिनमा दुई शाखा कार्यालय स्थापना गरेको हो ।

ग्राहकको सुविधालाई मध्यनजर गरी अत्याधुनिक सुविधा सम्पन्न कार्यालयद्वारा अझै सहज र छरितो रुपमा सेवा प्रदान गर्ने हेतुले हाल सञ्चालनमा रहेको कार्यालयको पुनर्निर्माण सम्पन्न गरि मंसिर १३  गते बैंकका अध्यक्ष्य सुदिप आचार्यले शाखाको उद्घाटन गरेका हुन् ।

सोसल मिडिया बैंकिङ इन्टरनेट बैंकिङ मोबाइल बैंक एसएमएस बैंकिङ जस्ता विभिन्न आधुनिक माध्यमहरुबाट  ग्राहक महानुभावहरुलाई सहज र उत्कृष्ट सेवा प्रदान गर्दै आएको यस बैंकले १२९ वटा शाखा रहेका छन् । बैंकले १ वटा विस्तारित काउन्टर तथा ७६ वटा एटिएम मार्फत ग्राहक महानुभावहरुलाई सेवा प्रदान गर्दै आएको जनाएको छ ।