शुक्रबार २२ चैत, २०८१
Friday, April 04, 2025

ताप्लेजुङमा ट्रयाक्टर दुर्घटना, दुईको मृत्यु

काठमाडौँ - ताप्लेजुङमा ट्रयाक्टर दुर्घटनामा दुई जनाको मृत्यु भएको छ। शुक्रबार अपरान्ह ४ बजे भएको ट्रयाक्टर दुर्घटनामा सिरिजङ्गा गाउँपालिका-३ बस्ने २५ वर्षीय वसन्त लिम्बु र फुङलादिनका १५ वर्षीय समिर लिम्बुको मृत्यु भएको हो। 

गम्भीर घाइते बसन्तलाई हेलिकप्टरबाट उद्धार गरी धरानस्थित बिपी कोइराला स्वास्थ्य विज्ञान प्रतिष्ठान ल्याइएको थियो। उनको उपचारको क्रममा मृत्यु भएको प्रहरीले जनाएको छ। समिरको तेल्लोक प्राथमिक स्वास्थ्य केन्द्रमा उपचारका क्रममा मृत्यु भएको जनाइएको छ। 

 ताप्लेजुङको सिरिजंगा गाउँपालिका ३ बोखिमस्थित भित्री सडक खण्डमा गोलिया बोकेको मे१त ६८९३ नम्बरको ट्याक्टर अचानक सडक छोडेर  २०० मिटर तल खसेर दुर्घटना भएको थियो । दुर्घटनामा अमित लिम्बु र सुसन लिम्बु घाइते भएको जिल्ला ट्राफिक प्रहरी कार्यालय ताप्लेजुङले जनाएको छ ।