म काँचो नेतृत्वको पक्षमा छैन : पशुपति शमशेर

काठमाडौँ - राष्ट्रिय प्रजातन्त्र पार्टी (राप्रपा)का अध्यक्ष पशुपति शमशेर राणाले आफू काँचो नेतृत्वको पक्षमा नरहेको बताएका छन्  । आफू काँचो नेतृत्‍वको पक्षमा नरहेको भन्‍दै अध्यक्षकव उम्मेदवार राजेन्द्र लिङ्देनको पक्षमा अपिल नगरेको प्रस्ट पारेका हुन् ।

जारी महाधिवेशनमा मतदान जारी रहदा अध्यक्ष राणाले सामाजिक सन्‍जालमार्फत यस्‍तो घोषणा गरेका हुन् । 'कुनै कूतत्वले फेसबुकमा मैले राजेन्द्र लिङ्देनको पक्षमा अपिल गरेको भनेर कीर्ते पोस्ट गर्‍या देखेँ,' राणाद्वारा जारी हस्तलिखित विज्ञप्तिमा भनिएको छ, 'यो सरासर झुट कुरा हो । यसको कडा खण्डन गर्दै म काँचो नेतृत्वको पक्षमा नरहेको प्रस्ट पार्न चाहन्छु।'