प्युठानमा टिप्परको ठक्करबाट बाबु-छोराको मृत्यु

फाइल फोटो

प्युठान - टिपरले अटोरिक्सालाई ठक्कर दिँदा प्युठानमा बाबु छोराको मृत्यु भएको छ । अरु चार जना घाइते भएका छन् । दुर्घटनामा प्युठान नगरपालिका–३ घुर्चनेका ३५ बर्षका बाबु अमृत थापा र उनका ४ वर्षीय छोरा सुशान्तको मृत्यु भएको हो ।

ना ८ ख ३९०३ नम्बरको टिप्परले रा १ ह ५७०७ नम्बरको अटोरिक्सालाई माण्डवी गाउँपालिका–५ चकचके–चेरनेटा सडकमा ठक्कर दिएको थियो । दुर्घटनामा बाबुछोराको घटनास्थलमै मृत्यु भएको हो । 

अटोरिक्सामा सवार प्यूठान नगरपालिका–३ कि ८ वर्षकी दुर्गा थापा, ३० बर्षकी पुनम थापा, १६ बर्षकी विपना थापा र १० बर्षकी सुष्मा थापा घाइते भएका छन् ।