राष्ट्रपति र प्रधानमन्त्रीलाई भेटेर चिनियाँ टोली दाहाललाई भेट्‍न खुमलटारमा

फाइल तस्बिर

काठमाडौं : चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येझाउले आइतवार राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग भेटघाट गरेका छन् । नेपाल आएलगत्तै राष्ट्रपति भण्डारीसँग भेटघाट गरेपछि प्रधानमन्त्री ओलीलाई भेटेका थिए ।

संसद्‍ विघटनपछि नेकपामा चुलिएको विवाद मिलाउन आएको चिनियाँ टोली अहिले नेकपा अध्यक्ष पुष्पकमल दाहाललाई भेट्न खुमलटार पुगेको छ । दाहालसँग चिनियाँ टोलीको छलफल जारी छ । उनीहरुले आजै नेकपाका अर्का अध्यक्ष माधवकुमार नेपाललाई पनि भेट्‍दैछ ।

नेकपामा आएको फुटबाट चिन्तित बनेका चिनियाँ कम्युनिस्ट पार्टी तथा राष्ट्रपति सि चिनफिङले नेकपा विवाद मिलाउन टोलीलाई काठमाडौं पठाएको हो । येझाउ नेतृत्वको ६ सदस्यीय टोली एयर चाइनाको चार्टर्ड विमानबाट आइतबार अपरान्ह काठमाडौं आइपुगेको हो ।