अझै सुरू भएन मतदान : गगन आशिर्वाद लिँदै, प्रकाशशरण-मिनेन्द्र कानेखुशी गर्दै

काठमाडौँ- नेपाली कांग्रेसको जारी १४औँ महाधिवेशनको नेतृत्वको लागि हुने भनिएको मतदान अझै सुरु भएको छैन । सोमबार बिहान ८ बजेबाट सुरु हुने भनिएको मतदान कार्य अझै सुरु भएको छैन । 

उम्मेद्‍वारहरू कोही आशिर्वाद लिँदैछन् त कोही भोट माग्‍न व्यस्त छन् । गगन थापा आशिर्वाद लिएर भोट माग्‍दैछन् भने प्रकाशशरण महत र मिनेन्द्र रिजाल कानेखुशी गर्दैछन् । अन्य

मतदाता मतदान गर्न लामबद्ध भइसकेका छन् । भृकुटीमण्ड, राष्ट्रियसभा गृह र प्रहरी क्लबमा मतदानका लागि व्यवस्था गरिएको कांग्रेस निर्वाचन समितिले जनाएको छ । 

समितिका अनुसार प्रदेश १, बाग्मती र सुदूरपश्चिम प्रदेशको भृकुटीमण्डप र बाँकी राष्ट्रियसभा गृह र प्रहरी क्लबमा मतदानका लागि व्यवस्था गरिएको हो ।