वर्षा बनिन् छाला अस्पतालको सिइओ

काठमाडौं : अभिनेत्री वर्षा सिवाकोटी नेपाल मेडिसिटी हस्पिटलअन्तर्गतको स्किन सिटीको सिइओ नियुक्त भएकी छिन् । उनले सोमबार विज्ञप्ति जारी गर्दै आफू त्यसको साझेदार पनि भएको बताएकी छिन् ।  ‘छाला, कपाल तथा नङसँग सम्बन्धित काम हुने स्किन सिटीमा मेरो पनि केही शेयर रहेको बताउन चाहन्छु,’ उनले लेखेकी छिन् । वर्षाले चलचित्रसँगै व्यापारमा पनि सक्रिय हुने बताएकी छिन् ।

वर्षाका अनुसार हाल भैसेपाटीमा मात्रै रहेको स्किन सिटी विस्तारै काठमाडौंका विभिन्न स्थानमा खुल्नेछन् । वर्षाले हालै मात्र ‘परदेशी २’ को सुटिङ सकाएकी छिन् । ‘लक्का जवान’ वर्षाको प्रदर्शन हुन बाँकी रहेको चलचित्र हो । 

*यसअघि प्रकाशित तस्वीर परिवर्तन गरिएको छ ।