बसले किच्दा जनकपुरधाममा वृद्धाको मृत्यु

जनकपुरधाम- जनकपुरधामस्थित बसपार्कमा बसले किचेर एक वृद्धाको मृत्यु भएको छ । 

बुधवार बिहान महोत्तरीको जलेश्वरबाट जनकपुरधाम आईरहेको ना ३ ख २६१० नम्बरको बसले किच्दा ६० वर्षीया एक वृद्धाको ज्यान गएको जिल्ला ट्राफिक प्रहरी कार्यालय धनुषाले जनाएको छ । 

जलेश्वरबाट आएका सो बस जनकपुरधामस्थित बसपार्कमा प्रवेश गर्न लाग्दा  बसबाट ओर्लेकी वृद्धा अचानक बसको अगाडिमा आएपछि चालकले नदेखेर किचिएको ट्राफिक प्रहरी प्रमुख नवराज न्यौपानेले जानकारी दिएका छन् । 

मृतक वृद्धाको नाम र ठेगाना खुल्न नसकेको ट्राफिकले जनाएको छ । जनकपुरधाम उपमहानगरपालिका वडा नम्बर–२३ बिन्धी बस्ने बसका चालक ३३ वर्षीय मो फिरोज नदाफलाई नियन्त्रणमा लिइएको प्रहरीले जनाएको छ ।