काठ उत्पादन तथा व्यवस्थापनका लागि नीतिगत रुपमा सुधार गर्नुपर्छः मन्त्री यादव

काठमाडौँ - वन तथा वातावरणमन्त्री रामसहाय प्रसाद यादवले काठ उत्पादन तथा व्यवस्थापनका लागि नीतिगत रुपमा सुधार गर्नुपर्ने बताएका छन् । 

नेपाल फर्निचर तथा फर्निसिङ्ग व्यवसायी महासंघको सातौ बार्षिक साधारणसभामा मन्त्री यादवले नेपालको वनका काठको बिक्री वितरणका बिषयमा सरकारले आवश्यक नीतिगत सुधार गर्ने समेत बताए । 

नेपालका फर्निचरमा ग्राहकको आकर्षण बढाउनका लागि आयातित सामाग्रीसँंग प्रतिष्पर्धा गर्ने गरि काम गर्नुपर्ने उनको भनाई छ । उनले  फर्निचर तथा फर्निसिङ्ग व्यवसायीलाई सरकारले आवश्यक सहयोग गर्ने भन्दै नीतिगत सुधारका लागि सुझाव दिन आग्रह गरे । 

त्यस्तै मन्त्री यादवले वन क्षेत्रको संरक्षण र सुधारका लागि पनि सरकारले आवश्यक गृहकार्य गरिरहेको जानकारी दिए ।