४० वर्ष एमालेमा बिताएका पूर्व सांसदले त्यागे एमाले

काठमाडौँ - पूर्व सांसद तथा नेकपा एमाले सिन्धुपाल्चोकका नेता सुवास कर्माचार्यले पार्टी परित्याग गरेको घोषणा गरेका छन् । 

एमालेमा लागेर ४० वर्ष बिताएका कर्माचार्यले सामाजिक सञ्जालमार्फत पार्टी परित्याग गरेको घोषणा गरेका हुन् । उनले लेखेका छन्, 'नेपाल कम्युनिष्ट पार्टी एमालेसँगको ४० वर्ष भन्दा लामो राजनीतिक यात्रा समाप्त भएको घोषणा गर्दछु ।'

उनले अबको यात्रा के हुने भन्ने खुलाएका छैनन् । नेकपा एमाले नफुट्दासम्म कर्माचार्य नेकपा समाजवादीका अध्यक्ष माधवकुमार नेपालसँग नजिक मानिन्थे । अबको उनको राजनीतिक यात्रा समाजवादीम हुने अनुमान गर्न सकिन्छ ।