रावलले अनुशासनविपरीत काम गरेः ओली

काठमाडाैँ- नेकपा एमालेका अध्यक्ष केपी ओलीले आफ्ना सांसद भीम रावलले अनुशासनविपरीत काम गरेको बताएका छन् । 

आफूलाई ‘हिरो’ देखाउन रावलले पार्टी नीतिविपरित गएको ओलीको आरोप छ । नेकपा एमालेले संसद अवरोध गरेका बेला रावलले एमसीसीमाथि संसदमा बहस गरेपछि ओलीले यस्तो आरोप लगाएका हुन् ।

मंगलबार पत्रकार सम्मेलनमा बोल्दै ओलीले रावललाई गरेको आत्मप्रचारलाई पार्टीले गम्भीर रुपमा हेरेको बताए । ‘पृथक ढंगले आफूलाई प्रस्तुत गर्नुभएको छ । तर कुनै बाहनामा पार्टीको नीति, व्यवहारमा पृथक देखिएर गरिएको गतिविधि पार्टीको अनुशासनमा पर्दैन,’ ओलीले थपे, ‘उहाँ आत्मकेन्द्रति प्रचारमा लाग्नुभयो, पार्टीले ध्यान दिन्छ ।’