रनवीर कपुरको श्रीमति बन्दै परिनीति

मुम्बई : परिनीति चोपडा पछिल्लो समय एउटा भरपर्दो हिट फिल्मको खोजीमा छिन् । भर्खरै उनको ‘गर्ल इन दि टे«न’को टिजर आएको छ र यसमा उनले धेरथोर तारिफ पनि पाएकी छिन् । तर, यो फिल्म हलमा नभई नेटफ्लिक्समा रिलिज हुँदैछ ।

नेटफ्लिक्समा रिलिज भएको फिल्म हिटै भए पनि कलाकारलाई उति फाइदा हुन्न जति हलमा रिलिज हुँदा हुन्छ । तर, यही बीच परिनीतिले रनवीर कपुरको अपोजिटमा महत्वपूर्ण फिल्म हात पारेको खबर छ । ‘कबीर सिंह’ निर्देशक सन्दीप रेडी भांगाको नयाँ फिल्ममा परिनीतिले रनवीरको श्रीमतिको भूमिका निर्वाह गर्नेछिन् ।
‘एनिमल’ नाममा बन्न लागेको यो फिल्ममा रनवीर गैंगस्टर बनेका छन् भने अनिल कपुरका रनवीरको बुबा ।

बबी देवल फिल्ममा भिलेनको भूमिका हुनेछन् ।फिल्मको अहिले दुबईमा सुटिङ भइरहेको छ । परिनीति यसअघि फिल्म ‘केसरी’मा अक्षयकुमारको श्रीमति बनेकी थिइन् । फिल्म बक्स अफिसमा हिट पनि भएको थियो । तर, परिनीतिले यसको क्रेडिट पाएकी थिइनन् । अब चाहिँ केही हुन्छ कि ?