पार्टी एकता अभियान घोषणा गर्दै वामदेव, ओली र दाहाललाई निम्तो !

काठमाडौँ : नेकपाका नेता वामदेव गौतमले आज पार्टी एकता राष्ट्रिय अभियान घोषणा गर्दै छन् । प्रतिनिधि सघा विघटन भएपछि विभाजन भएको नेकपामा तटस्थ बसेका गौतमले आज औपचारिक रुपमै पार्टी एकता राष्ट्रिय अभियान घोषणा गर्न लागेका हुन् ।

ललितपुरको सिद्धार्थ कटेजमा बिहान ११ बजे घोषणा हुने कार्यक्रममा नेकपाका दुवै अध्यक्षलाई बोलाइएको गौतमका प्रेस संयोजक विश्वमणि सुवेदीले जानकारी दिए । प्रधानमन्त्री तथा अध्यक्ष केपी शर्मा ओली र पुष्पकमल दाहाललाई बोलाइएपनि घोषणा सभामा सहभागि हुने सुनिश्चतता नभएको सुवेदीले बताए ।

ओली र दाहाल-नेपाल खेमामा विभाजित भएको नेकपालाई मिलाउनका लागि अभियान नै घोषणा गरेर लाग्ने वामदेवको तयारी छ । विभाजन हुनुअघि वामदेव नेकपाका उपाध्यक्ष हुन् ।