शुक्रबार २२ चैत, २०८१
Friday, April 04, 2025

खुकुरी चुरोट बरामद

कञ्‍चनपुर : सशस्त्र प्रहरीको टोलीले कञ्‍चनपुर जिल्लाको भिमदत्त नगरपालिका-९ स्थित सीमा इलाकाबाट करीब पाँच लाख ४० हजार रुपैयाँ बराबरको चोरी निकासी हुँदै गरेको खुकुरी चुरोट बरामद गरेको छ । 

सशस्त्र प्रहरी नायव उपरीक्षक अजय छतकुलीका अनुसार, नेपालबाट भारततिर अवैध रुपले लैजाँदै गरेको अवस्थामा बिहीबार टोलीले चुरोट बरामद गरेको हो । बरामद चुरोट स्थानीय भन्सार कार्यालयमा बुझाइएको छ । 

त्यसरी सशस्त्र प्रहरीले रौतहटको गौरनगरपालिका-२ स्थित लालबकैयाबाट बुधबार करीब एक लाख २४ हजार रुपैयाँ बराबरको चोरीपैठारीको लत्ताकपडा, कस्मेटिक सामान र किराना सामान बरामद गरेको छ ।