धापासीमा छुरा प्रहार गरी युवकको हत्या

काठमाडौँः टोखा नगरपालिका धापासी हाइटस्थित देवी मन्दिर नजिकै छुरा प्रहारबाट एक युवकको ज्यान गएको छ । छुरा प्रहारबाट २४ वर्षीय आषिश मगरको मृत्यु भएको प्रहरीले जनाएको छ । उनको चिरायु अस्पतालमा उपचारको क्रममा मृत्यु भएको हाे ।

महानगरीय प्रहरी परिसरका प्रवक्ता प्रहरी उपरीक्षक सोमेन्द्रसिंह राठौरका अनुसार मगर पेन्टिङको काम गर्थे । उनीमाथि छुरा प्रहार गर्ने दिवस अधिकारी र रवि थापा मगर पक्राउ परेका छन् । अन्य दुई जन फरार रहेको प्रवक्ता राठौरले जानकारी दिए । 

उनीहरुबीच झडप भएको कारण भने खुलिसकेको छैन । यस विषयमा प्रहरीले थप अनुसन्धान गरिरहेको जनाएको छ ।