भारत र इंग्ल्याण्डबीचको दोस्रो टेस्ट आजदेखि

काठमाडौँ : भारत र इंग्ल्याण्डबीचको दोस्रो टेस्ट क्रिकेट आजदेखि सुरु हुँदै छ । बिहान पौने १० बजेदेखि चेन्नेईमा खेल सुरु हुनेछ । चार खेलको टेस्ट क्रिकेट सिरिजमा इंग्ल्याण्ड १-० ले अघि छ । पहिलो टेस्ट २२७ रनको भारी अन्तरले जितेको इंग्ल्याण्ड दोस्रो टेस्टमा पनि सोही लयलाई जारी राख्ने योजनामा छ ।

इंग्ल्याण्डका कप्तान जोय रुट राम्रो लयमा देखिएका छन् । उनले भारतविरुद्ध पहिलो टेस्टमा दोहोरो शतक बनाएका थिए । भारतका कप्तान विराट कोहली पनि लयमा फर्किएकाले दोस्रो टेस्टमा उसले आफ्नो स्तरअनुसारको प्रदर्शन गर्ने अनुमान गरिएको छ ।