प्रतिनिधि सभा बैठक : प्रधानमन्त्रीविरुद्ध सदनमा ओर्लने मुडमा माओवादी, जसपा र एमालेको नेपाल समूह

फाइल तस्‍वीर

काठमाडौँ  : प्रतिनिधि सभा पुनःस्थापनापछिको आज बस्न लागेको दोस्रो बैठकमा प्रधानमन्त्री केपी शर्मा ओलीविरुद्ध माओवादी केन्द्र, जसपा र नेकपा एमालेकै माधवकुमार नेपाल समूह शसक्त रूपमा उत्रिने देखिएको छ । संघीय संसद अगाडि प्रतिक्रिया दिँदै नेकपा एमालेका सांसद् झपड रावलले विधानविरुद्ध काम गर्ने मान्छे संसदीय दलको नेता हुनै नसक्ने सक्दैन । एमालेको विधान अनुसार जानुपर्ने उनको भनाइ छ। रावल एमालेको नेपाल समूहका सांसद हुन् । 

त्यस्तै प्रमुख प्रतिपक्षी नेपाली कांग्रेस पनि प्रतिनिधि सभाको आजको बैठकमा खरो रूपमा उत्रिने देखिएको छ । आइतबार पहिलो बैठक माओवादी केन्द्रको बहिष्कार तथा नेपाली कांग्रेस र जनता समाजवादी पार्टीको विरोधकाबीच बैठक सञ्चालन हुन सकेका थिएन ।