इंग्लिस प्रिमियर लिग : रोनाल्डोको ह्याट्रिकमा म्यानचेस्टर युनाइटेडको जित

काठमाडौँ - इंग्लिस प्रिमियर लिगअन्तर्गत शनिबार राति सम्पन्न खेलमा म्यानचेस्टर युनाइटेडले टोटेनहम हट्सपरलाई पराजित गरेको छ । क्रिष्टियानो रोनाल्डोको ह्याट्रिकको सहयोगमा म्यानचेस्टर युनाइटेडले टोटेनहम हट्सपरलाई ३–२ को गोलअतरले पराजित गरेको हो । 

घरेलु मैदानमा भएको खेलमा रोनाल्डोले १२, ३८ र ८१ औँ मिनेटमा गोल गरेका थिए । ​टोटनह्यामका लागि ३५औँ मिनेटमा ह्यारी केनले गोल गरे । यस्तै युनाइटेडका ह्यारी मागुइरीले ७२औँ मिनेटमा आत्मघाती गोल गरे ।

जितपछि म्यानचेस्टर युनाइटेड २९ खेलबाट ५० अंकसहित चौथो स्थानमा उक्लिएको छ । २७ खेल खेलेको टोटेनहम भने ४५ अंकका साथ सातौं स्थानमै रोकियो । 

शनिबार राति नै भएको खेलमा लिभरपुलले ब्राइटन तथा ब्रेन्टफोर्डले बर्नलीलाई समान २–० ले पराजित गरेका छन् ।