अहिले एमसीसीको विरोध गरेको भन्दै भीम रावलमाथि खनिए देउवा

फाइल तस्‍बिर

काठमाडौँ – प्रधानमन्त्री तथा नेपाली कांग्रेसका सभापति शेरबहादुर देउवाले एमसीसी परियोजनाको विरोध गरेकोमा नेकपा एमालेका नेता भीम रावलप्रति आक्रोश व्यक्त गरेका छन् । सोमबार नुवाकोटको किस्पाङ गाउँपालिकाको प्रशासनिक भवन उद्घाटन कार्यक्रमलाई समबोधन गर्दै देउवाले रावललाई दुई जिभ्रे कुरा गरेको आरोप लगाएका हुन् । 

‘आफैं रक्षामन्त्री भएको क्याबिनेटबाट एमसीसी पास गर्न संसदमा ल्याउने, अहिले किन टाउको दुख्यो ?’ देउवाले भने, ‘उसबेला दिमाग खुस्क्याथ्यो ? त्यो बेला किन बिरोध नगरेको ? एमसीसी खराब थियो भने राजीनामा गर्नुपर्दैन, लाज छैन ? त्यसबेला किन राजीनामा गर्नुभएन? यस्ता दुई जिब्रे कुरा गर्न पाइन्छ ? मैले ओलीजीले ल्याएको प्रस्ताव पास गर्न खोज्दा किन टाउको देख्ने ?'